अज्ञान सोडा, शिक्षणाकडे वळा: एक नवा विचार

 अज्ञान सोडा, शिक्षणाकडे वळा: एक नवा विचार

आजच्या काळात शिक्षण हे प्रगतीचं साधन आहे, याबद्दल कुणालाही शंका नाही. शिक्षण म्हणजे केवळ शाळा-कॉलेजची डिग्री मिळवणे नव्हे, तर जीवनाचा खरा अर्थ समजून घेणे, सामाजिक जाणीव निर्माण करणे आणि आपल्या स्वप्नांच्या पूर्ततेसाठी तयार होणे आहे. महाराष्ट्रासारख्या प्रगत राज्यात शिक्षणाची भूमिका खूप महत्त्वाची आहे. तरीदेखील आज अनेक ठिकाणी, विशेषतः ग्रामीण भागात अजूनही अज्ञानाचे अंधार आहे.

मुलांना शिक्षणापासून दूर ठेवण्याची अनेक कारणं असू शकतात - आर्थिक परिस्थिती, कुटुंबातील समस्या किंवा मुलींच्या शिक्षणाला दुय्यम मानणे. परंतु आता ही परिस्थिती बदलण्याची नितांत गरज आहे. "अज्ञान सोडा, शिक्षणाकडे वळा" ही केवळ घोषणा नसून आपल्या समाजाच्या प्रगतीसाठी एक आवश्यक पाऊल आहे.

शिक्षण केवळ आपल्या व्यक्तिमत्वाला घडवत नाही तर समाजला देखील उज्ज्वल भवितव्य देऊ शकतं. शिक्षणानेच व्यक्तीमध्ये नेतृत्वगुण विकसित होतात, आर्थिक स्थिरता येते आणि विविध सामाजिक समस्या सोडवण्याची क्षमता मिळते. शिक्षण घेतलेल्या व्यक्तीला जगाची समज वाढते, आणि त्यामुळे तो देशाच्या विकासात मोलाचं योगदान देऊ शकतो.

आज, महाराष्ट्रातील अनेक संस्था आणि सरकार देखील शिक्षणाच्या प्रसारासाठी अनेक योजनांचा लाभ देत आहे. शाळा-महाविद्यालयांमध्ये नव्या तंत्रज्ञानाचा वापर केला जात आहे. मुलींना शिक्षणासाठी विशेष प्रोत्साहन दिलं जात आहे, ज्यामुळे त्यांचं भविष्य अधिक उज्ज्वल होईल.

तरीसुद्धा, हा प्रवास प्रत्येकाच्या सहकार्याशिवाय पूर्ण होणार नाही. आपल्या आसपासच्या प्रत्येक मुलाला शिक्षण मिळावं, ही जबाबदारी आपली आहे. गरजू मुलांना शाळेत जाण्यासाठी मदत करणं, त्यांना योग्य मार्गदर्शन देणं आणि शिक्षणाचं महत्त्व पटवून देणं हे आपलं कर्तव्य आहे.

अशा रीतीने, आपला समाज शिक्षित होईल आणि त्यातून एक समृद्ध, प्रगत आणि सशक्त महाराष्ट्र घडेल. म्हणूनच, अज्ञानाचा अंधार सोडून, शिक्षणाच्या प्रकाशाकडे वळा आणि प्रत्येकाने आपली भूमिका निभवा. कारण शिक्षण हेच खरं संपत्ती आहे, जी आपण कोणालाही देऊ शकतो आणि जी कधीच कमी होत नाही.

शब्दांकन

संचालक 

🔰 जनसेवा कंप्यूटर, शिवणी 

🔰 जनसेवा प्रोऍक्टिव्ह अबॅकस सेंटर

शिवणी, बोधडी (बु), हिमायतनगर

🔰 विद्याधन स्पेशल नवोदय क्लासेस, शिवणी 

धनलाल मांगीलाल राठोड (कंचलीकर)

Mo. 8668341988